對美國嚟講，比特幣係動搖美元霸權嘅最大敵人；對俄羅斯嚟講，比特幣係與敵國進行地下交易嘅貨幣；對中國嚟講，比特幣就係人民走資嘅最大渠道，而對2023年嘅香港嚟講，比特幣既係經濟復蘇最後一根稻草但同時亦係一隻脫韁野馬，想騎又唔識騎最後唔小心整死咗隻馬。區塊鏈技術有住改變世界令人類邁向更文明世代嘅革命工具，然而革命一定有人流血，而我哋就係依場革命入面其中一班犧牲者。我叫洛子峰，出身地深圳，係少數曾出國留學嘅第四代中國人，亦係廣為香港人所熟悉嘅JPFX其中一位推手。